கேரளாவில், மதங்களை கடந்த மனித நேயம் ஏழை இந்து வாலிபருக்கு சிறுநீரக தானம் செய்த கிறிஸ்தவ பேராயர்

கேரளாவில், ஒரு ஏழை இந்து வாலிபருக்கு கிறிஸ்தவ பேராயர் ஒருவர் சிறுநீரக தானம் செய்தார்.
பேராயர் கேரளாவில், செல்வாக்கு மிகுந்த சிரோ–மலபார் கத்தோலிக்க திருச்சபையில், பலா மறைமாவட்ட பேராயராக பணியாற்றி வருபவர் ஜேக்கப் முரிக்கன்.
52 வயதான இந்த பேராயர், ஒரு ஏழை இந்து வாலிபருக்கு தனது இரண்டு சிறுநீரகங்களில் ஒன்றை தானமாக கொடுத்து, வாலிபரின் உயிரை காப்பாற்றி உள்ளார். மத வேறுபாடுகளை கடந்த மனிதநேய செயலாக இது பார்க்கப்படுகிறது.
ஏழை வாலிபர் அவரிடம் சிறுநீரக தானம் பெற்றவர் பெயர் இ.சூரஜ் (வயது 31). ஆர்ய வைத்திய சாலையில் பணியாற்றி வருகிறார். ஏழ்மையான அவரது குடும்பத்தில், மனைவியும், தாயாரும் உள்ளனர். அவர் மட்டுமே வேலைக்கு சென்று சம்பாதித்து வருகிறார்.
சிறுநீரக கோளாறால் அவதிப்பட்ட சூரஜ்க்கு உதவ பேராயர் ஜேக்கப் முரிக்கன் முன்வந்தார். ரத்த சம்பந்தம் இல்லாதவர்கள் உறுப்பு தானம் செய்வதற்கு கோட்டயம் அரசு மருத்துவ கல்லூரியில் உள்ள ஒரு கமிட்டி ஒப்புதல் அளிக்க வேண்டும். அந்த கமிட்டியும் ஜேக்கப் முரிக்கன் சிறுநீரக தானம் செய்வதற்கு ஒப்புதல் அளித்தது.
கடந்த வாரம் இதுதொடர்பான அனைத்து நடைமுறைகளும் இறுதி செய்யப்பட்டன.
அறுவை சிகிச்சை இந்நிலையில், நேற்று கொச்சியில் உள்ள வி.பி.எஸ்.லேக்ஷோர் ஆஸ்பத்திரியில் வெற்றிகரமாக அறுவை சிகிச்சை நடைபெற்றது. சிறுநீரகவியல் நிபுணர் டாக்டர் ஜார்ஜ் பி.ஆபிரகாம் தலைமையிலான டாக்டர்கள் குழு, பேராயரின் ஒரு சிறுநீரகத்தை எடுத்து சூரஜ்க்கு வெற்றிகரமாக பொருத்தியது.
அறுவை சிகிச்சை வெற்றிகரமாக நடந்ததாகவும், பேராயரும், வாலிபரும் நலமுடன் இருப்பதாகவும் ஆஸ்பத்திரி வட்டாரங்கள் தெரிவித்தன.
பாராட்டு இதற்கிடையே, சிறுநீரக தானம் செய்த பேராயருக்கு பாராட்டுகள் குவிந்து வருகின்றன. பணியில் உள்ள பேராயர் ஒருவர், தனது சிறுநீரகங்களில் ஒன்றை தானமாக அளித்து, ஒரு உயிரை காப்பாற்றியது வரலாற்றில் இதுவே முதல்முறை என்று அருட்தந்தை டேவிஸ் சிராமல் தெரிவித்தார்.

சாம்பியன்ஸ் கோப்பை கிரிக்கெட் போட்டி அட்டவணை: ஒரே பிரிவில் இந்தியா, பாகிஸ்தான்

அடுத்த ஆண்டு நடைபெறும் சாம்பியன்ஸ் கோப்பை கிரிக்கெட் போட்டியில் இந்தியாவும், பாகிஸ்தானும் ஒரே பிரிவில் இடம் பெற்றுள்ளன.
சாம்பியன்ஸ் கோப்பை ‘மினி உலக கோப்பை’ என்று அழைக்கப்படும் சாம்பியன்ஸ் கோப்பை கிரிக்கெட் போட்டி 1998–ம் ஆண்டு முதல் நடத்தப்பட்டு வந்தது. கடைசியாக 2013–ம் ஆண்டு இங்கிலாந்தில் நடந்த போட்டியில் டோனி தலைமையிலான இந்திய அணி சாம்பியன்ஸ் கோப்பையை 2–வது முறையாக வென்று வரலாறு படைத்தது.
‘50 ஓவர் உலக கோப்பை ஏற்கனவே நடத்தப்பட்டு வருவதால் ஒரு வடிவிலான கிரிக்கெட்டுக்கு ஒரு மெகா போட்டி மட்டும் போதும்’ என்று கூறிய சர்வதேச கிரிக்கெட் கவுன்சில் (ஐ.சி.சி.) சாம்பியன்ஸ் கோப்பை போட்டி ரத்து செய்யப்படுவதாகவும், அதற்கு பதிலாக டெஸ்ட் சாம்பியன்ஷிப் அறிமுகம் ஆக இருப்பதாகவும் அறிவித்தது. ஆனால் மறு ஆண்டே டெஸ்ட் சாம்பியன்ஷிப் போட்டியை நடத்த சாத்தியமில்லை என்று கூறிய ஐ.சி.சி. மீண்டும் 2017–ம் ஆண்டு முதல் சாம்பியன்ஸ் கோப்பை போட்டி தொடரும் என்று அறிவித்தது.
இந்தியா, பாகிஸ்தான் இதன்படி 8–வது சாம்பியன்ஸ் கோப்பை கிரிக்கெட் போட்டி அடுத்த ஆண்டு ஜூன் 1–ந்தேதி முதல் 18–ந்தேதி வரை இங்கிலாந்தில் நடைபெறுகிறது. இந்த போட்டிக்கு 2015–ம் ஆண்டு செப்டம்பர் 30–ந்தேதி நிலவரப்படி தரவரிசையில் டாப்–8 இடங்களை பிடித்த அணிகள் மட்டுமே இந்த போட்டிக்கு தகுதி பெற்றுள்ளன. துரதிர்ஷ்டவசமாக முன்னாள் சாம்பியன் வெஸ்ட் இண்டீஸ் தகுதி பெறவில்லை.
இந்த நிலையில் சாம்பியன்ஸ் கோப்பை கிரிக்கெட் போட்டிக்கான அட்டவணையை ஐ.சி.சி. நேற்று வெளியிட்டது. இதன்படி ‘ஏ’ பிரிவில் உலக சாம்பியன் ஆஸ்திரேலியா, நியூசிலாந்து, இங்கிலாந்து, வங்காளதேசம் அணிகளும், பி பிரிவில் இந்தியா, பாகிஸ்தான், இலங்கை, தென்ஆப்பிரிக்க அணிகளும் இடம் பெற்றுள்ளன. அடுத்த ஆண்டு ஜூன் 1–ந்தேதி நடக்கும் தொடக்க ஆட்டத்தில் இங்கிலாந்து அணி வங்காளதேசத்தை எதிர்கொள்கிறது. இந்திய அணி தனது முதல் ஆட்டத்தில் பரம எதிரியான பாகிஸ்தானை ஜூன் 4–ந்தேதி எட்ஜ்பஸ்டனில் சந்திக்கிறது.
ஒவ்வொரு அணிகளும் தங்கள் பிரிவில் மற்ற அணிகளுடன் தலா ஒரு முறை மோத வேண்டும். லீக் முடிவில் இரு பிரிவிலும் முதல் 2 இடங்களை பிடிக்கும் அணிகள் அரைஇறுதிக்கு தகுதி பெறும். மொத்தம் 15 ஆட்டங்கள் நடைபெறுகிறது. இறுதிப்போட்டி லண்டன் ஓவல் மைதானத்தில் ஜூன் 18–ந்தேதி நடைபெறும். மழையால் பாதிக்கப்பட்டால் மறுநாள் (ரிசர்வ் டே) நடத்தப்படும்.
தரவரிசை புள்ளி முக்கியம் போட்டி அட்டவணையை வெளியிட்டு நிருபர்களிடம் பேசிய ஐ.சி.சி. தலைமை நிர்வாகி டேவிட் ரிச்சர்ட்சன் கூறும் போது, ‘ஐ.சி.சி. சாம்பியன்ஸ் கோப்பை குறுகிய காலத்தில் நடத்தப்படும் துல்லியமான ஒரு போட்டித் தொடராகும். ரசிகர்களுக்கும், வீரர்களுக்கும் இந்த போட்டி உற்சாகமாக இருக்கும். இந்த சாம்பியன்ஸ் கோப்பை வெறும் ஒரு நாள் போட்டித் தொடர் மட்டும் அல்ல. இந்த போட்டி முடிந்து அடுத்த 3 மாதங்களில் 2019–ம் ஆண்டு உலக கோப்பை போட்டியில் பங்கேற்பதற்கான தரவரிசை தகுதி காலம் முடிவுக்கு வருகிறது. எனவே சாம்பியன்ஸ் கோப்பை போட்டியின் மூலம் ஒவ்வொரு அணிகளும் பெறும் தரவரிசை புள்ளி மிக முக்கியமானதாக இருக்கும்’ என்றார்.

கபாலி ரஜினிக்கு மலேசியா அரசு செய்த மரியாதை!

மலேசியாவுக்கு தமிழ்ப்படங்களின் யூனிட் எப்போது படப்பிடிப்புகளுக்கு சென்றாலும் அங்குள்ள அரசு நல்ல வரவேற்பும், உதவிகளும் செய்து வருகிறது. அந்த வகையில், ரஜினி தனது கபாலி படத்தின் படப்பிடிப்புக்காக மலேசியா சென்றபோது அங்குள்ள அரசு அவருக்கு வரவேற்பு கொடுத்தது. அதோடு கபாலி படப்பிடிப்பு நடத்த போதுமான வசதிகளையும் செய்து கொடுத்தது. இதனால் திட்டமிட்டதை விட மலேசியாவில் அதிக நாட்கள் முகாமிட்டு படப்பிடிப்பை நடத்தினார் டைரக்டர் ரஞ்சித்.
இந்த நிலையில், தமிழகத்தைப்போலவே மலேசியாவில் உள்ள ரசிகர்களும் கபாலி படத்தை ஆவலுடன் எதிர்நோக்கியிருக்கிறார்களாம். அதோடு, ரஜினியின் கபாலி படத்துக்கு மரியாதை செய்யும் வகையில், கபாலி ரஜினியின் உருவம் பொறித்த போஸ்டல் ஸ்டாம்ப் ஒன்றை வெளியிட்டுள்ளது. வெளிநாட்டில் ரஜினிக்கு கிடைத்திருக்கும் இந்த மரியாதையை ரஜினி ரசிகர்கள் இணையதளங்களில் வெகுவாக கொண்டாடி மகிழ்ந்து வருகிறார்கள்.

மீரட்டில் செல்ஃபி எடுப்பதாக கூறி மனைவியை ஆற்றில் தள்ளி கொன்ற கணவன்

உத்தரபிரதேச மாநிலம் மீரட் பகுதியை சேர்ந்தவர் அப்தாப் (வயது 30) அவரது மனைவி பெயர் ஆயிஷா (வயது 24) ஆகிய இருவருக்கும் கடந்த ஒன்றரை ஆண்டுகளுக்கு முன் திருமணம் நடைபெற்றது. திருமணம் செய்து கொண்ட நாள் முதல் மனைவியை வரதட்சனை கேட்டு துன்புறுத்தி வந்துள்ளார் அப்தாப். இதனால் மனைவி தரப்பில் இருந்து பணம் ஏதும் தேறாது என்று தெரிந்ததும் மனைவியை கொலை செய்ய திட்டமிட்டார்.
இந்நிலையில் நேற்று மனைவியிடம் அன்பாக இருப்பது போல் நடித்துள்ளார். மனைவியை கங்கை ஆற்றுக்கு கூட்டி சென்று அதன் முன் செல்ஃபி எடுக்கலாம் என்று கூறியுள்ளார். கணவனின் திட்டத்தை அறியாத ஆயிஷா கணவன் ஆசையாக கூப்பிட்டதால் போட்டோவிற்கு போஸ் கொடுத்துள்ளார். இந்த சந்தர்ப்பத்தை பயன்படுத்திகொண்ட அப்தாப் கட்டிய மனைவி என்று பார்க்காமல் திடீரென ஆற்றில் தள்ளிவிட்டு கொலை செய்தார். 
இது குறித்து வீட்டில் உள்ளவர்களிடம் ஆயிஷா கங்கை ஆற்றில் தவறி விழுந்து விட்டார் என்று கூறி உள்ளார்.   இதுகுறித்து ஆயிஷாவின் சகோதரர் புகார் அளித்தார். அதில் அப்தாப் மீது சந்தேகம் இருப்பதாக கூறினார். அப்தாப்பை கைது செய்த போலீசார் அவரிடம் விசாரணை மேற்கொண்டு வந்தனர். 
முதலில் போலீசாரை திசை திருப்பும் வகையில் கதை கட்டினார். அதில் எங்களிடம் சிலர் கொள்ளை அடிக்க முயன்றனர். அப்போது, எனது மனைவியை அவர்கள் ஆற்றினுள் தள்ளி விட்டனர் என்று போலீசாரிடம்  கூறினார். ஆனால் ஆயிஷாவின் சகோதரர் தனக்கு அப்தாப் மீது தான் சந்தேகம் இருப்பதாக உறுதியாக கூறினார். அதனை தொடர்ந்து, அப்தாப்பிடம் போலீசார் உரிய வகையில் விசாரணை  நடத்தினர். 
அப்போது மனைவியை நான் தான் கொலை செய்தேன் என்று ஒப்புக்கொண்டார். ஆற்றினுள் இருந்து ஆயிஷாவின் சடலத்தை மீட்டுள்ள போலீசார் விசாரணை நடத்தி வருகிறார்கள்.

படப்பிடிப்புக்கு அடிக்கடி மட்டம் போடும் நடிகை!

சங்கம் படத்தில் நடித்து பெயர் பெற்ற ஊதா நடிகை, பல படங்களில் நடித்து வருகிறாராம். இவர் நடித்த அத்தனை படங்களும் ஹிட் என்பதால் இவருடைய மார்க்கெட் உச்சத்தில் இருக்கிறதாம். இதனால் சம்பளத்தையும் கணிசமாக உயர்த்திவிட்டாராம். இந்த நிலையில் தற்போது ஊதா நடிகை என்றால் தங்களது படங்களில் நடிக்க வைக்க சில தயாரிப்பாளர்கள் யோசிக்கிறார்களாம்.

ஊதா நடிகை இப்போது எந்த பட சூட்டிங்கிற்கும் ஒழுங்காக போகாமல் சொதப்பி வருகிறாராம். ஒரே நாளில் இரண்டு படத்துக்கு கால்ஷீட்டு கொடுத்துவிட்டு குழப்பத்தில் இருப்பதுடன் இடையிடையே ஐதராபாத்துக்கும் ஓடிப்போயிடுகிறாராம். தெலுங்கு படத்தில் நடிக்காத சூழ்நிலையில் ஐதராபாத்துக்கு ஏன் ஓடிப்போகிறார் என்பதும் புரியாத புதிராக உள்ளதாம். இதனால் ஊதா நடிகை பக்கம் போக நினைக்கும் தயாரிப்பாளர்களும், இயக்குநர்களும் இப்போ ரொம்பவே யோசிக்கிறாங்களாம்.

ஐசிசி சாம்பியன்ஸ் டிராபி: தனது முதல் போட்டியில் பாகிஸ்தானை எதிர்கொள்கிறது இந்தியா

 லண்டன்,
ஐசிசி சாம்பியன்ஸ் டிராபி போட்டித்தொடர் அடுத்த ஆண்டு இங்கிலாந்தில் நடைபெறுகிறது. இந்த போட்டித்தொடரில் கிரிக்கெட் போட்டித்தொடரின் பரம வைரிகளான இந்தியாவும் பாகிஸ்தானும் ஒரே பிரிவில் இடம் பெற்றுள்ளன. ஈட்பங்ஸ்டன் மைதானத்தில் ஜூன் 4 ஆம் தேதி நடைபெறும் தனது முதல் போட்டியில் இந்திய அணி பாகிஸ்தானை எதிர்கொள்கிறது.
ஜூன் 1 ஆம் தேதி துவங்கி 18 ஆம் தேதி வரை 18 நாட்கள் நடைபெறும் இந்த போட்டித்தொடரின் முதல் போட்டி ஓவல் மைதானத்தில் நடைபெறுகிறது. இதில் போட்டியை நடத்தும் இங்கிலாந்து அணி வங்காளதேச அணியை எதிர்கொள்கிறது. இந்த போட்டித்தொடரில் பங்கேற்கும் எட்டு அணிகள் இரு பிரிவாக பிரிக்கப்பட்டுள்ளன.  குரூப் -ஏ பிரிவில் ஆஸ்திரேலியா, நியூசிலாந்து, இங்கிலாந்து, வங்காளதேசம் ஆகிய அணிகளும் , பி பிரிவில் இந்தியா, பாகிஸ்தான், இலங்கை, தென் ஆப்பிரிக்கா ஆகிய அணிகள் இடம் பெற்றுள்ளன. 
ஒவ்வொரு பிரிவிலும் முதல் இரண்டு இடங்களை பிடிக்கும் அணிகள் அரை இறுதிக்கு தகுதி பெறும். அரை இறுதி போட்டிகள், ஜூன் 14 மற்றும் 15 ஆம் தேதிகளில் முறையே கார்டிப் மற்றும் ஈட்பங்ஸ்டன் மைதானத்தில் நடைபெறுகின்றன. ஜூன் 18 ஆம் தேதி ஓவல் மைதானத்தில் இறுதிப்போட்டி நடைபெறுகிறது.

அதிரடியில் அசத்தும் புதுச்சேரி கவர்னர் கிரண்பேடி

புதுச்சேரியில் இன்னும் புதிய அரசு பதவியேற்காத நிலையில், அங்கு புதிய துணைநிலை ஆளுனராக பதவியேற்றுள்ள முன்னாள் ஐபிஎஸ் அதிகாரியான கிரண்பேடி பல புதிய அறிவிப்புக்களை அதிரடியாக அறிவித்துள்ளார்.கடந்த இரண்டு நாட்களுக்கு முன் புதுச்சேரி துணைநிலை ஆளுனராக பதவியேற்றுக் கொண்ட கிரண்பேடி, 1031 என்ற இலவச அழைப்பு எண்ணை அறிவித்துள்ளார். ஜூன் 8 ம் தேதி முதல் செயல்பாட்டிற்கு வரும் இந்த அழைப்பு எண்ணை தொடர்பு கொண்டு மக்கள், லஞ்சம், ஈவ் டீசிங், சமூக விரோத செயல்பாடுகள் மற்றும் பெண்களுக்கு எதிரான குற்றங்கள் தொடர்பான புகார்களை அளிக்கலாம். புதுச்சேரியை அமைதியான யூனியன் பிரதேசமாக மாற்றுவதற்காக குற்றங்களை தடுக்கவும், சாலை பாதுகாப்பை மேற்படுத்தவும் வரைவு அறிக்கை தயாரிக்கப்பட்டு வருவதாக போலீசார் தெரிவித்துள்ளனர். இலவச அழைப்பு சேவை எண் மூலம் அளிக்கப்படும் புகார்கள் மிக ரகசியமாக வைக்கப்படும் எனவும் கிரண்பேடி உறுதி அளித்துள்ளார். புகார் அளித்தவர் பற்றிய விபரம் போலீஸ் ஐஜி மற்றும் தலைமை செயலருக்கு மட்டுமே தெரியும் வகையில் இந்த புகார்கள் பாதுகாக்கப்படும் எனவும் அவர் தெரிவித்துள்ளார். பொய் புகார்கள் அளிப்பவர்கள் மீதும் நடவடிக்கை எடுக்கப்பட உள்ளது. குற்றம் தொடர்பாக புகார் அளிப்பவருக்கு உரிய நீதி பெற்று தரும் போலீசாருக்கு பரிசு வழங்கப்படும். கல்வித்துறை செயலர் மற்றும் பள்ளி கல்வி இயக்குனர் ஆகியோர் பள்ளிகளுக்கு அதிரடி விசிட் செய்து ஆசிரியர்களின் செயல்பாடுகளை கண்காணிக்க வேண்டும். இதே போன்று மருத்துவமனைகைளுக்கு ஆய்வுகள் நடத்தப்பட வேண்டும் எனவும், போக்குவரத்து விதிகளை மீறுவோருக்கு அந்த இடத்திலேயே அபராதம் விதிக்க வேண்டும் எனவும் கிரண்பேடி தெரிவித்துள்ளார். விளம்பர பலகைகள், ஆக்கிரமிப்புக்கள் அகற்றப்பட வேண்டும். விஐபி.,க்கள் வருகைக்காக போக்குவரத்தை நிறுத்த கூடாது எனவும், இந்த உத்தரவுகள் ஒரு வாரத்திற்குள் அமலுக்கு வர வேண்டும் எனவும் கிரண்பேடி தெரிவித்துள்ளார். காலில் விழும் கலாச்சாரத்துக்கு கண்டனம்: விஐபி கலாச்சாரத்தை மாற்ற வேண்டும் என்பதை தனது பதவியேற்பு விழாவிலேயே கிரண்பேடி மாற்றி உள்ளது குறிப்பிடத்தக்கது. பதவியேற்பு விழாவில் தனது காலில் விழுந்த ஒரு பெண் எம்.எல்.ஏ.,வின் காலில் பதிலுக்கு விழுந்து வணங்கிய கிரண் பேடி, காலி்ல விழுந்து வணங்கக்கூடாது என்று அறிவுரை வழங்கினார்.

மிக எளிதாக தமிழில் தட்டச்சு செய்வது எப்படி?

இணையத்தில் இருக்கும் பல நண்பர்கள் இன்னமும் எப்படி தமிழில் தட்டச்சு செய்வது என்று கேட்கிறார்கள். தமிழ் மொழி பயன்படுத்துதலில் புதியவர்களுக்கு மிக எளிதாக தட்டச்சு செய்யும் வசதி தருவது Google Tamil Transliteration. இதனை எப்படி பயன்படுத்துவது என்று இந்தப் பதிவின் மூலம் அறியலாம்.


1.முதலில் இங்கே சென்று தட்டச்சு மென்பொருளை தரவிறக்கம் செய்யவும். இதில் தமிழ் மொழியை தெரிவு செய்த பின் 32Bit/64Bit என்பதை தெரிவு செய்து தரவிறக்கம் செய்து கொள்ளவும். எது என்று தெரியாதவர்கள் 32Bit தெரிவு செய்யவும். 

2.Windows 7/Vista/XP பயன்படுத்தும் அன்பர்கள் இதை பயன்படுத்த இயலும். 

3.இதை இப்போது இன்ஸ்டால் செய்யவும். 
4.இன்ஸ்டால் செய்து முடித்தவுடன் Desktop -Task Bar இல் Right Click செய்து Toolbars -> Language bar என்பதை தெரிவு செய்யவும். 


இதில் இந்த வசதி வராத நண்பர்கள் கீழே உள்ளதை பின் பற்றவும். 

5. Windows 7/Vista பயனாளிகள்
  • Control Panel ->Date, Time, Language, and Regional Options–> Regional and Language Options -> Keyboard and Languages என்பதற்கு செல்லவும். 
  • Change keyboards… என்பதை கிளிக் செய்து Text services and input languages என்பதை ஓபன் செய்யவும். 
  • Language Bar க்கு வரவும். 
  •  Language Bar -ல் உள்ள  Docked in the taskbar  என்ற ரேடியோ பட்டனை Enable செய்ய வேண்டும். 
  • இப்போது Apply கொடுக்கவும்.  இப்போது நீங்கள் மேலே கூறி உள்ள Step-4 ஐ செய்யவும். 

6.Windows XP பயனாளிகள்

  • Control Panel -> Regional and Language Options -> Languages tab -> Text services and input languages (Details) -> Advanced Tab என்பதற்கு செல்லவும். 
  • முதலில் System configuration, என்பதில் Turn off advanced text services என்பது கிளிக் செய்யப்படாமல் இருப்பதை உறுதி செய்து கொள்ளவும்.           
  • Regional and Language Options -> Languages tab -> Text services and input languages (Details) -> Advanced Tab என்பதற்கு மீண்டும் செல்லவும்.  
  • இப்போது Settings>Language Bar ஐ கிளிக் செய்து அதில் Details >Language bar என்பதை தெரிவு செய்து வருவதில் Show the Language bar on the desktop என்பதை கிளிக் செய்து விடவும். 
  • இப்போது எல்லாவற்றையும் Apply கொடுத்து விடவும். 

7. இப்போது உங்கள் Tool Bar இல் கீழே உள்ளது போல ஒன்று வந்து சேர்ந்து விடும். இதில் தட்டச்சு செய்யும் போது கிளிக் செய்தால் Tamil என்று வரும். 
8.இது உங்களுக்கு Desktop இல் இவ்வாறு தோற்றம் அளிக்கும்.

9. இப்போது நீங்கள் எளிதாக தட்டச்சு செய்ய முடியும். உதாரணம்: 
Amma – அம்மா, 
karpom – கற்போம் 
இதில் மாற்று வார்த்தைகள் அடுத்தடுத்து வருவதை கவனிக்கவும். இதை Key Board-இல் உள்ள Arrow பட்டன்களை பயன்படுத்தி தெரிவு செய்ய முடியும். 
10.இதில் சரியாக தட்டச்சு செய்தும் உங்களுக்கு சில எழுத்துகள் வரவில்லை என்றால் Ctrl+K என்பதை கொடுத்து குறிப்பிட்ட எழுத்தை இடைச் செருகலாக சேர்க்கலாம். ‌
11. இதில் இருந்து உடனடியாக ஆங்கிலத்தில் தட்டச்சு செய்ய CTRL+G கொடுக்கவும். 

– See more at: http://www.karpom.com/2012/03/how-to-use-google-tamil-transliteration.html#sthash.mMEY0Opq.dpuf

BigRock டொமைனை Blogger க்கு பயன்படுத்துவது எப்படி?

                         நிறைய பதிவர்களுக்கு சொந்த டொமைன் வாங்க வேண்டும், அதில் பதிவுகளை எழுத வேண்டும் என்ற எண்ணம் உள்ளதை நான் கடந்த முறை எழுதிய custom domain குறித்த பதிவுகளின் வாயிலாக அறிந்தேன். ஆனால் அவர்களிடம் Credit Card இல்லாத காரணத்தால் சொந்த டொமைன் வாங்க இயலவில்லை என்பதும் புரிந்தது. இப்போது வெறும் டெபிட் கார்ட் மூலம் பல தளங்களில் எளிதாக டொமைன் வாங்கலாம். அவ்வாறு வாங்கிய பின் சின்ன மாற்றங்கள் செய்ய வேண்டி வரும். என்ன செய்ய வேண்டும் என்று சொல்வதே இந்தப் பதிவு. 

நான் என் நண்பர் ஒருவர்க்கு வாங்கி செயல்படுத்தியது எப்படி என்று விளக்குகிறேன். 
டொமைன் வாங்குவது மிக எளிது. அது உங்களுக்கு எளிதாக வரக்கூடிய ஒன்றுதான். இப்போது அதற்கு பின் செய்ய வேண்டிய வேலைகளை சொல்கிறேன். இதில் உள்ள www.hthints.com எனது ஆங்கிலத் தளம் ஆகும்.

1. முதலில் BigRock தள முகப்புக்கு செல்லுங்கள்.

2. உங்கள் அக்கவுண்ட்க்குள் Log-In செய்து கொள்ளுங்கள்.

3. இப்போது  “Domains–> List All Orders”  என்பதை கிளிக் செய்யவும். 
4. உங்கள்  “Domain Name” மீது கிளிக் செய்யுங்கள்
5. இப்போது வரும் பக்கத்தில் “DNS Management” Tab ஐ தெரிவு செய்யவும்.

6. இப்போது “Manage DNS” என்பதை தெரிவு செய்திடுங்கள்
7. இப்போது ஒரு புதிய விண்டோ வரும் இதில்  Record எதுவும்  இல்லை என்று வரும். இதில்  “CNAME Records” என்பதை நீங்கள் கிளிக் செய்ய வேண்டும்.
8. இப்போது  “Add A Record” என்பதை கிளிக் செய்யுங்கள் 
9. இப்போது CNAME Record பகுதியில் கீழே உள்ளது போல செய்திடுங்கள்.
Host Name: www
Value: Choose 2nd Radio Button and Type “ghs.google.com

மற்ற எதுவும் மாற்றம் செய்ய தேவை இல்லை.

நீங்கள் புதியதாக இரண்டாவது CNAME Record Add செய்ய வேண்டி உள்ளது. அதை எப்படி என்று அறிய – Blogger Custom Domain Settings – சில மாற்றங்கள்
10. இப்போது  “Add Record” என்பதை கிளிக் செய்து இதை Save செய்து விடவும். 
11. இப்போது  “A Records” என்பதை கிளிக் செய்யவும், அதில் New Record என்பதில் 

Host Name : Don’t fill anything
Destination IPv4 Address *216.239.32.21




இதே போல பின்வரும் மூன்று IP களுக்கும் செய்ய வேண்டும். 


216.239.34.21
216.239.36.21
216.239.38.21

மொத்தமாக  4 “A Record” கள் உங்கள் டொமைன் மானேஜ்மென்ட் பக்கத்தில் இருக்க வேண்டும். 

இத்தோடு உங்கள் வேலை Bigrock இல் முடிந்து விட்டது.

12. இப்போது உங்கள் வலைப்பூவில் சில மாற்றங்கள் செய்ய வேண்டும்.
13.  Blogger–> Dashboard–>Settings–> Add A Custom Domain
நீங்கள் ஏற்கனவே டொமைன் வைத்து உள்ளதால் Advanced Settings பக்கம் வரவும். இதில் உங்கள் தள முகவரி கொடுங்கள். குறிப்பாக முன்னால் www என்பதை மறந்து விட வேண்டாம். உதாரணம்:  www.songsnew.in
[ Redirect yourdomain.com to www.yourdomain.com. என்பது உங்களுக்கு வரும்போது கிளிக் செய்ய வேண்டும் என்பதை மறந்து விடாதீர்கள்.இது வலைப்பூவில் உங்கள் டொமைன் முகவரி கொடுக்கும் இடத்திற்க்கு கீழ் வரும்.  ]
14. அவ்வளவுதான் நண்பர்களே இன்னும் ஒரு 5 அல்லது 6 மணி நேரத்தில் உங்கள் தளம்செயல்பட ஆரம்பிக்கும்.(blogger மூலம் வாங்கினால் இரண்டு நாட்கள் கூட ஆகலாம்.)

– See more at: http://www.karpom.com/2011/10/how-to-use-bigrock-domain-in-blogger.html#sthash.9F7EnMPP.dpuf

Electionல் ஜெயித்த சந்தோஷத்தில் கர்நாடகா எம்.ஏல்.க்கள் அடிக்கும் கூத்தை பாருங்க (வீடியோ

அதிகம் சேர் பன்னுங்க
*************************************************************
நமக்கு தண்ணீர் தரமாட்டேன்னு சொல்லும் கர்நாடக எம்.ஏல்.க்கள்
************************************************************
தேர்தலில் ஜெயித்த சந்தோஷத்தில் கர்நாடகா எம்.ஏல்.க்கள் அடிக்கும் கூத்தை பாருங்க (வீடியோ)