கூகுள் அறிமுகப்படுத்தியிருக்கும் புத்தம் புதிய சேவை! வாருங்கள் இன்றே பயன்படுத்தலாம்!

கூகுள் ஸ்பேஸ் (Space) குழு

கூகுள் அதன் பயனர்களுக்கு ஸ்பேஸ் (Space) எனும் புதியதொரு வசதியை அறிமுகப்படுத்தியுள்ளது.
இந்த வசதி மூலம் ஒரே நேரத்தில் பலர் இணைந்து தகவல்களை பரிமாறிக்கொள்ள முடியும்.

எந்த ஒருவராலும் ஒரு குழுவை உருவாக்கி அதில் கருத்துக்கள், புகைப்படங்கள், வீடியோ கோப்புக்கள், இணைய இணைப்புகள் என எந்த ஒன்றையும் பகிர முடியும்.
மேலும் குழு உருவாக்கப்பட்டதன் பின்னர் பெறப்படும் அழைப்பு விடுப்பதற்கான இணைப்பை (Invite Link) நண்பர்களுக்கு வழங்குவதன் மூலம் அவர்களால் உங்கள் குழுவில் இணைய முடியும்.
இந்த வசதியை நேரடியாக கணினி மூலம் பயன்படுத்திக் கொள்ள முடிவதுடன் ஆண்ட்ராய்டு, ஐபோன் மூலம் பயன்படுத்துவதற்கான செயலிகளும் அறிமுகப்படுத்தப்பட்டுள்ளன. கீலே வழங்கியுள்ள சுட்டி மூலம் இந்த செயலிகளை தரவிரக்கிக் கொள்ளலாம்.
உங்கள் குழுவில் இணையும் எந்த ஒருவராலும் ஏனைய உறுப்பினர்களுடன் தகவல்களை பகிர முடியும்.
ஸ்பேஸ் (Space) செயலியின் மத்தியில் தரப்பட்டுள்ள பட்டனை சுட்டுவதன் மூலம் இணையதளங்கள், யூடியூப் வீடியோ கோப்புக்கள் போன்றவற்றை நேரடியாக இணையத்தில் இருந்து தேடிப்பெற்று அவற்றை உடனுக்குடன் பகிர்ந்துகொள்வதற்கான வசதி இந்த செயலியில் தரப்பட்டுள்ளது.
மேலும் பகிரப்படும் தகவல்களுக்கு குழுவில் உள்ள எந்த ஒரு உருப்பினராலும் கருத்துக்களை தெரிவிக்க முடிவதுடன் ஓட்டுக்கள் (Sticker), புகைப்படங்கள், இணைய இணைப்புகள் போன்றவற்றை கருத்துரையாக (Comment) இடவும் முடியும் 
அதே நேரம் குழுவில் உள்ள உறுப்பினர்களால் மேற்கொள்ளப்படும் ஒவ்வொரு செயற்பாடுகளையும் Spaces Activity எனும் பகுதியின் மூலம் அவதானிக்கவும் முடிகிறது.
எனவே கூகுள் கணக்கை பயன்படுத்தி கூகுளின் இந்த புதிய ஸ்பேஸ் (Space) சேவையை உங்களாலும் இன்றே பயன்படுத்திக் கொள்ளலாம்.

பேஸ்புக் மெசெஞ்சர் பயன்படுத்துபவர்களுக்கு ஒரு இனிப்பான செய்தி!

நாம் சாதாரணமாக கூறும் ஒரு விடயத்தை விட அதில் இமொஜிகளையும் உள்ளிட்டு கூறும் போது அது இலகுவில் புரிந்துகொள்ளக் கூடியவைகளாகவும், பார்ப்பதற்கு அழகானதாகவும் அமைந்துவிடுகிறது.
மேலும் அது படிப்பவர்களுக்கு சலிப்பை ஏற்படுத்தாமல் மேலும் மேலும் படிப்பதற்கு ஆர்வத்தையும் ஏற்படுத்துகிறது.

எனவே வாட்ஸ்அப், வைபர், பேஸ்புக் மெசெஞ்சர் உட்பட பிரபலமான அனைத்து மெசேஜிங் சேவைகளிலும் இந்த இமொஜிகள் பயன்படுத்தப்படுகின்றன.
அந்தவகையில் பேஸ்புக் மெசெஞ்சரில் பயன்படுத்தப்பட்டு வந்த வழக்கமான இமொஜிகளுக்கு பதிலாக புத்தம் புதிய தோற்றத்தை கொண்ட 1500 வரையான இமொஜிகள் அறிமுகப்படுத்தப்பட்டுள்ளன.
இவைற்றை நீங்களும் பெற்றுக்கொள்வதற்கு பேஸ்புக் மெசெஞ்சர் செயலியின் புதிய பதிப்பை கீலுள்ள இணைப்பு மூலம் நிறுவிக்கொள்க.
புதிய பதிப்பை நிறுவிய பின்னரும் உங்களுக்கு புதிய இமொஜிகள் தோன்றவில்லை எனின் Settings பகுதியின் ஊடாக Application Manager > Facebook Messenger என்பதை தெரிவு செய்து Clear Cache என்பதை சுட்டுக.
பின்னர் மீண்டும் பேஸ்புக் மெசெஞ்சர் செயலியை திறந்து பயன்படுத்துக. இனி உங்களுக்கு புதிய இமொஜிகளை பயன்படுத்தலாம். அவ்வாறு செய்தும் புதிய இமொஜிகள் தோன்றவில்லை எனின் கவலை கொள்ள வேண்டிய அவசியமில்லை மிக விரைவில் தானகவே அது உங்களுக்கு கிடைக்கப்பெறும்.
இதனை ஆண்ட்ராய்டு, ஐபோன்களில் மாத்திரம் இன்றி கணினிகளுக்கான மெசெஞ்சர் இணையதளத்தின் ஊடாகவும் இந்த வசதிகளை பெறலாம்.

ரெஸ்யூமை சீராக்க உதவும் இணைய சேவைகள்ரெஸ்யூமை சீராக்க உதவும் இணைய சேவைகள்

last-resume-tools-you-will-need-CV-ATS-Real-Resumes
வேலைவாய்ப்பு தேடலில் முதல் படி ரெஸ்யூமை தயார் செய்வது தான். முக்கிய படியும் அது தான். வேலைக்கு விண்ணப்பிப்பவரின் தகுதி மற்றும் திறமைகளை சரியாக அடையாளம் காட்டும் வகையில் ரெஸ்யூம் அமைந்திருந்தால் நேரமுக தேர்வுக்கான அழைப்பு வரும் வாய்ப்புகள் அதிகம். எனவே ரெஸ்யூமை சரியாக தயார் செய்வதில் கவனம் செலுத்துவது அவசியம்.
நல்ல ரெஸ்யூம் எப்படி இருக்க வேண்டும் என்பதற்கு அடிப்படையானகோட்பாடுகளும்,வழிகளும் இருக்கின்றன. அது மட்டும் அல்லாமல் மாறிவரும் தொழில்நுட்பங்களுக்கு ஏற்ப வேலைவாய்ப்புக்கான பரிசீலனை முறைகளும் மாறி இருக்கின்றன. எனவே அதற்கேற்ப ரெஸ்யூம் தயாரிப்பையும் அப்டேட் செய்து கொள்ள வேண்டும். உதாரணத்திற்கு, பெரும்பாலான நிறுவனங்களில் வேலைவாய்ப்பிற்கான விண்ணபங்களை மனிதர்கள் பரிசீலப்பதில்லை. இதற்காக என்றே உருவாக்கப்பட்ட பிரத்யேக மென்பொருள்கள் ரெஸ்யூம்களை பார்த்து, வடிகட்டி தேர்வு செய்கின்றன. இந்த முதல் கட்ட வடிக்கட்டலுக்குப்பிறகே நிறுவன மேலதிகாரி அல்லது மனிதவள அதிகாரி அவற்றை பரிசிலீக்கும் நிலை உள்ளது.
ஆயிரக்கணக்கில் விண்ணப்பங்கள் குவியும் போது, அதிலும் அவை பெரும்பாலும் ஒரே மாதிரியாக இருக்கும் போது எல்லா ரெஸ்யூம்களையும் படித்து பார்த்து பொருத்தமானவற்றை தேர்வு செய்வது என்பது அலுப்பூட்டக்கூடியது மட்டும் அல்ல நேரத்தை விரயமாக்கவும் செய்யும். அதனால் தான் ரோபோ தேர்வாளர் என குறிப்பிடப்படும் மென்பொருள்களை கொண்டு வடிகட்டி விண்ணப்பக்குவியல்களில் இருந்து சரியான ரெஸ்யூம்களை அகழ்ந்தெடுக்கின்றனர். இவை ஆட்டமேட்டில் டிராக்கிங் சிஸ்டம் ( ஏடிஎஸ்) என்றும் குறிப்பிடப்படுகின்றன.
எனவே வேலைக்கு விண்ணப்பிப்பவர்கள் ரெஸ்யூமை தயார் செய்யும் போது, அது ரோபோ தேர்வாளர் வடிகட்டலில் தப்பி பிழைக்க கூடியதாகவும் இருக்கும் வகையில் இருக்கிறதா என்பதை கவனத்தில் கொள்ள வேண்டும்.
ஆனால் இதை நினைத்து அதிகம் கவலைப்பட வேண்டாம். ஏனெனில், ரெஸ்யூம் அப்டேட்டான தன்மையுடன் இருக்கிறதா என்பதை தெரிந்து கொள்ளவும், அதற்கேற்ப மாற்றங்களை செய்து கொள்ளவும் உதவும் இணையதளங்களும், செயலிகளும் இருக்கின்றன.
பொதுவாக ரோபோ தேர்வு மென்பொருள்கள் ரெஸ்யூம்களில் குறிப்பிட்ட வார்தைகள் மற்றும் பதங்களை தேடம் வகையில் வடிவமைக்கப்பட்டுள்ளன. வேலைக்கான தகுதி, அனுபவம், படிப்பு ஆகியவற்றை உணர்த்தக்கூடிய சொற்களை அவை தேடி கண்டுபிடிக்கின்றன. அதோடு மோசமான அமைப்பு மற்றும் எழுத்து பிழைகளையும் கண்டுணர்ந்து அதனடைப்படையில் வடிகட்டி விடுகின்றன.
எனவே, ரோபோக்களின் கடைக்கண் பார்வையை பெற முதல் வழி ரெஸ்யூம் எளிமையாக புரியும் படி இருக்க வேண்டும் என்பது தான். அலங்கார அமைப்புகளையும், வார்த்தை ஜாலங்களையும் தவிர்த்துவிட வேண்டும். முடிந்தால் வேர்டு பைலாக இருந்தால் நல்லது. முக்கிய அம்சங்களை சுட்டிக்காட்ட புல்லட் புள்ளிகளை பயன்படுத்தலாம். இப்படி நிறைய அம்சங்களை கவனிக்க வேண்டும். வேலைக்கான விவரிப்பு மற்றும் தகவல் தொடர்புக்கான முகவரி ஆகியவற்றையும் தெளிவாக குறிப்ப்டுவது அவசியம் என்று வேலைவாய்ப்பு தேர்வு வல்லுனர்கள் குறிப்பிடுகின்றனர்.

last-resume-tools-you-will-need-CV-JobScanஇந்த முறையில் ரெஸ்யூம் தயார் செய்ய உதவி தேவை என்றால், எச்லூம் ( http://www.hloom.com/ats-resume-samples/) தளத்திற்கு சென்று பார்க்கலாம். இந்த தளத்தின் பலவிதமான ரெஸ்யூம் மாதிரிகள் கொடுக்கப்பட்டுள்ளன. அவற்றில் முக்கியமாக மென்பொருள் பார்வைக்கு ஏற்ற வகையிலான ரெஸ்யூம் மாதிரிகள் ஏடிஎஸ் பிரிவில் கொடுக்கப்பட்டுள்ளன. ஒவ்வொரு ரெஸ்யூம் அருகிலும் அதற்கான வழிகாட்டுதல் குறிப்புகளும் இடம்பெற்றுள்ளன. இவற்றை பார்த்து பரிசிலீத்து பொருத்தமான ரெஸ்யூம் மாதிரியை தேர்வு செய்து கொள்ளலாம். அப்படியே நகெலெடுக்க வேண்டும் என்றில்லை, ஆனால் இவற்றை ஒரு வழிகாட்டியாக வைத்துக்கொள்ளலாம்.

ரெஸ்யூமை எப்படி வடிவமைப்பது என தெரிந்து கொண்ட பின், அதில் முக்கிய விவரங்களை எப்படி இடம்பெறச்செய்ய வேண்டும் என்பதில் கவனம் செலுத்த வேண்டும். என்ஹான்ஸ்சிவி (https://www.enhancv.com/ ) இணைதளம் இதற்கு வழிகாட்டுகிறது. ரெஸ்யூமில் இடம் பெற வேண்டிய தகவல்களை தெரிந்து கொள்வதோடு, மாதிரி ரெஸ்யூம்களையும் பார்க்கலாம். ரெஸ்யூம்கள் எப்படி இருக்க வேண்டும் என்பதை அறிந்து கொள்ள இந்த தளம் உதவும்.
இதே போல ஜாப்ஸ்கேன் ( https://www.jobscan.co/) இணையதளம், ரெஸ்யூமில் ரோபோ தேர்வாளர் கவனிக்க கூடிய குறிச்சொற்கள் இருக்கின்றனவா? என கண்டறிந்து சொல்கிறது. இந்த தளத்தில் ரெஸ்யூம் விவரம் மற்றும் அதன் அருகே விண்ணப்பிக்கும் பணிக்கான விவரங்களை சமர்பித்தால் இரண்டையும் பரிசிலீத்து அந்த ரெஸ்யூம் எப்படி இருக்கிறது எனும் தகவல் தந்து வழிகாட்டுகிறது. ஆனால் இது கட்டண சேவை என்பதை நினைவில் கொள்ள வேண்டும்.
ரெஸ்யூமை கவனமாக தயார் செய்த பிறகு அதன் தன்மை குறித்து உறுதி செய்து கொள்ள விரும்பினால், ரெஸ்ஸ்கோர் (http://rezscore.com/ ) தளம் வழிகாட்டுகிறது. அடிப்படையில் இந்த தளம் ரெஸ்யூமிற்கான மதிப்பெண்களை அளிக்கிறது. அதாவது ரெஸ்யூமின் பல்வேறு அம்சங்களை அலசி ஆராயந்து அதற்கு மதிப்பெண் கொடுக்கிறது. ரெஸ்யூமை இந்த தளத்தில் பதிவேற்றி அது எந்த அளவு சிறந்ததாக இருக்கிறது என்பதை தெரிந்து கொள்ளலாம்.
இன்னும் வழிகாட்டுதல் தேவை எனில் ரியல் ரெஸ்யூம் ( https://www.visualcv.com/resume-samples) தளத்தில் ஆயிரக்கணக்கான ரெஸ்யூம்களை பார்வையிடலாம். எல்லாமே தொழில் வல்லுனர்களின் ரெஸ்யூம் மாதிரிகள். பல்வேறு துறைகளை சேர்ந்த பணிகளுக்கான ரெஸ்யூம் மாதிரிகளையும் பார்க்கலாம்.
இவற்றில் உள்ள ரெஸ்யூம் மாதிர்கள் பிடித்திருந்தால் அதையே பயன்படுத்திக்கொள்ளும் வாய்ப்பும் இருக்கிறது. ரெஸ்யும் பற்றி இன்னமும் தெளிவு தேவை என்றால் கேள்வி பதில் தளமான குவோராவில் ரெஸ்யூம் வடிவமைப்பு தொடர்பான கேள்விகளை படித்துப்பார்க்கலாம். – https://www.quora.com/topic/Resumes-and-CVs வேலைவாய்ப்பு துறையில் நிபுணத்துவம் மிக்க வல்லுனர்கள் விரிவான பதில்கள் நிச்சயம் புதிய பார்வையை அளிக்க கூடியதாக இருக்கும். இன்னொரு முக்கிய குறிப்பு, வேலைவாய்ப்புக்கு விண்ணப்பிப்பவர்களுக்கு தொழில்முறை வலைப்பின்னல் சேவையான லிங்க்டுஇன் தளத்தில் கணக்கு இருந்தால் இன்னும் நல்லது. பலவிதங்களில் அது உதவியாக இருக்கும். பேஸ்புக் கணக்கு நட்புக்கும்,அரட்டைக்கும் வேண்டுமானால் ஏற்றதாக இருக்கலாம், ஆனால் தொழில்முறையாக நீங்கள் அடையாளம் காணப்பட வேண்டும் என்றால் லிங்க்டுஇன் நல்ல தேர்வாக இருக்கும்.
இது தவிர, ஒரு ரெஸ்யூமில் தவிர்க்க வேண்டிய முக்கிய அம்சங்களையும் அறிந்திருப்பது அவசியம். குறிப்பிட்ட சில பணிகள் தவிர மற்றவைக்கு புகைப்பட்த்தை இணைக்க வேண்டாம், உயரம், எடை போன்ற தனிப்பட்ட விவரங்களையும் தவிர்க்க வேண்டும் போன்ற 17 அமசங்களை இந்த வரைபட சித்திரம் மூலம் அறியலாம்: http://www.resumetiq.com/17-things-to-avoid-in-resume-infographic/

ஒரு படம்கூட புக் ஆகலையே.. அடடா ஆர்யாவுக்கு வந்த சோதனை..!

இரண்டு வருடங்களுக்கு முன்புவரை செம ஹாட் கேக்காக, ஒரே நேரத்தில் குறைந்தது நான்கு படங்களில் நடித்துக்கொண்டிருந்த ஆர்யாவுக்கு தற்போது கைவசம் ஒரு படம்தான் இருக்கிறதென்றால் உங்களால் நம்ப முடிகிறதா..? ஆனால் அதுதான் உண்மை.

கடந்த ஒரு வருடத்தில் மட்டும் ஆர்யா நடித்து வெளியான புறம்போக்கு, வி.எஸ்.ஓ.பி, யட்சன், இஞ்சி இடுப்பழகி, பெங்களூர் நாட்கள் என அடுத்தடுத்து வரிசையாக தோல்வியைத் தழுவியது. அதுவும் தோல்வி என்றால் சாதாரண தோல்வி அல்ல எல்லாமே ஒன்றுக்கொன்று சளைக்காத மிகப்பெரிய தோல்விகள். இதில் வி.எஸ்.ஓ.பி படம் சொந்த ரிலீஸ் வேறு.

இந்நிலையில் இப்போதைக்கு ஆர்யாவின் கைவசம் ‘மஞ்சப்பை’ இயக்குநர் ராகவர் இயக்கத்தில் நடித்துவரும் ‘கடம்பன்’ படத்தைத் தவிர வேறு எந்த புதுப்படமும் கமிட் ஆகவில்லை. இதனால் தனக்குத் தெரிந்த இயக்குநர்கள் பலருக்கு போனைப்போட்டு வாய்ப்பு கேட்கிற புதுமுக நடிகர் ரேஞ்சிக்கு கீழிறங்கி விட்டார் ஆர்யா.

இடையில் கே.வி.ஆனந்த் இயக்கத்தில் ஆர்யா நடிக்கிறார் என ஒரு செய்தி பரவியது, அதுவும் செய்தி அளவிலேயே நின்றுபோய்விட்டது. அந்த புராஜெக்டில் விஜய் சேதுபதி நடிக்கிறார். இந்த மாற்றத்திற்கும் ஆர்யாவின் மார்க்கெட் அதல பாதாளத்தை நோக்கி போய்க்கொண்டிருப்பதே காரணம். அதிலும் அந்த கே.வி. ஆனந்த் படச் செய்திகூட ஆர்யாவே கிளப்பிவிட்ட ஒரு வதந்தி என்றுகூட பேச்சு உலவுவது தனிக்கதை.

சரி மறுபடியும் சொந்தப்படம் எடுக்கலாம் என்று பார்த்தால் வி.எஸ்.ஓ.பி படத்தை உலகம் முழுக்க சொந்தமாக ரிலீஸ் செய்ததில் பல கோடி ரூபாய் கடன் கண்ணைக் கட்டுகிறது. எனவே மேற்கொண்டு எந்த முயற்சியிலும் ஈடுபடாமல் ‘கடம்பன்’ மேல் பாரத்தைப்போட்டு அமைதியாக தேவுடு காத்துவருகிறார் ஆர்யா.

இதுக்குத்தான் ஆக வேண்டிய வேலையைத் தவிர மத்த ‘வேலை’களில் கவனம் செலுத்தினால் இப்படித்தான் நடக்கும் என்கிறார்கள் அனுபவசாலிகள்.

ஒலிம்பிக் போட்டிக்கு தமிழக வீரர் தகுதி

மனோஜ்

ரியோ ஒலிம்பிக் போட்டியில் கலந்து கொள்ள தமிழக ஓட்டப்பந்தய வீரர் மனோஜ் தகுதி பெற்றுள்ளார். 
சமீபத்தில் ஆசியா ஒசானியா சாம்பியன்ஷிப் போட்டி துபையில் நடைபெற்றது. இதில் 63 நாடு களில் இருந்து வீரர்கள் கலந்து கொண்டனர். இந்தியா சார்பில் கலந்து கொண்ட மனோஜ் 200 மீட்டர் ஓட்டத்தில் தங்கப் பதக்கமும், 100 மீட்டர் ஓட்டத்தில் வெள்ளிப் பதக்கமும் வென்றார். 
இதன் மூலம் பிரேசிலில் நடைபெற உள்ள ஒலிம்பிக் போட்டிக்கு இந்தியா சார்பில் கலந்து கொள்ள தகுதி பெற்றுள்ளார். 
சென்னை திருவான்மியூரை சேர்ந்த மனோஜ் பொறியியல் பட்டதாரி ஆவார். சென்னை யிலுள்ள இந்தியா ஸ்போர்ட்ஸ் புரோமோசன் அகாடமியில் கடந்த ஒன்றரை ஆண்டுகளாக பயிற்சி பெற்று வந்துள்ளார். மேலும் வெளிநாட்டு போட்டிகளில் இவர் கலந்து கொள்ள எஸ்.எஸ். ஸ்போர்ட்ஸ் பயிற்சி மையம் உதவி புரிந்துள்ளது.

குவைத்தில் இன்ஜினீயர்களுக்கு வேலை: தமிழக அரசு நிறுவனம் அறிவிப்பு

இந்திய தொலைத்தொடர்புத்துறையின் குவைத் திட்டப்பணிகளுக்கு இன்ஜினீயர்கள் தேவைப்படுகிறார்கள். இதற்கு பொறியியல் பட்டதாரிகள் விண்ணப்பிக்கலாம்.
இதுதொடர்பாக தமிழக அரசின் நிறுவனமான அயல்நாட்டு வேலைவாய்ப்பு நிறுவனத்தின் நிர்வாக இயக்குநர் சி.சமயமூர்த்தி இன்று வெளியிட்ட செய்திக்குறிப்பில், ”இந்திய தொலைத்தொடர்புத்துறையின் குவைத் திட்டப்பணிகளுக்கு இன்ஜினீயர்கள் தேவைப்படுகிறார்கள். இப்பணிக்கு பிஇ, பிடெக் எலெக்ட்ரானிக்ஸ் மற்றும் கம்யூனிகேஷன் பட்டதாரிகள், சிவில் இன்ஜினியரிங் பட்டதாரிகள் விண்ணப்பிக்கலாம். 2 ஆண்டு பணிஅனுபவம் அவசியம். வயது 30-க்குள் இருக்க வேண்டும். மாத சம்பளம் ரூ.56 ஆயிரம்.
மேலும், சிவில் மேற்பார்வையாளர் பணிக்கு டிப்ளமா தேர்ச்சி பெற்றவர்கள் விண்ணப்பிக்கலாம். இப்பணிக்கு சம்பளம் ரூ.30,200 வழங்கப்படும். பிளஸ் 2 அல்லது டிப்ளமா தேர்ச்சியுடன் 5 ஆண்டு பணிஅனுபவம் உள்ளவர்கள் பைபர் ஸ்பைலைசர் பணிக்கு விண்ணப்பிக்கலாம். வயது 22 முதல் 50-க்குள் இருக்க வேண்டும். சம்பளம் ரூ.26,800.
டிப்ளமா தேர்ச்சி பெற்றவர்கள் சிவில் ஆட்டோகாட் ஆபரேட்டர் பணிக்கு விண்ணப்பிக்கலாம். சம்பளம் ரூ.24,500. 10-ம் வகுப்பு தேர்ச்சியுடன் 2 ஆண்டு அனுபவத்துடன் குவைத் நாட்டின் ஓட்டுநர் உரிமம் பெற்றவர்கள் கனரக வாகன ஓட்டுநர் பணிக்கு விண்ணப்பிக்கலாம். இதற்கு மாத சம்பளம் ரூ.16,750. மேலும், எஸ்எஸ்எல்சி தேர்ச்சியுடன் தொலைத்தொடர்புத்துறையில் 5 ஆண்டு பணி அனுபவம் உள்ளவர்கள் லேபர் பணிக்கு தேவைப்படுகிறார்கள். சம்பளம் ரூ.15,600. கூடுதல் விவரங்களை www.omcmanpower.com என்ற இணையதளத்தில் அறிந்துகொள்ளலாம்.
பணிக்கு தேர்ந்தெடுக்கப்படுவோருக்கு 3 ஆண்டு பணி ஒப்பந்த அடிப்படையில் தகுதி மற்றும் அனுபவத்துக்கு ஏற்ப ஊதியத்துடன் இலவச விமான டிக்கெட், இலவச இருப்பிடம், இலவச மருத்துவம், மருத்துவக் காப்பீடு, மிகைநேர பணி ஊதியம் (ஓ.டி) மற்றும் குவைத் நாட்டின் சட்டங்களுக்கு உட்பட்ட இதர சலுகைகளும் வழங்கப்படும்.
30 மாதங்கள் செல்லத்தக்க பாஸ்போர்ட் வைத்திருக்க வேண்டும். மேற்குறிப்பிட்ட பணிகளுக்கு உரிய தகுதி இருப்பின் தங்கள் சுயவிவரங்கள் அடங்கிய விண்ணப்பத்துடன் கல்வி, அனுபவம், பாஸ்போர்ட் மற்ரும் ஒரு புகைப்படத்தை omcresum@gmail.com என்ற இ-மெயில் மூலமாக அனுப்பிவைக்க வேண்டும். மேலும் விவரங்கள் அறிய 044-22505886, 22502267 ஆகிய தொலைபேசி எண்களில் தொடர்புகொள்ளலாம்” என்று தெரிவிக்கப்பட்டுள்ளது.

டவுன்லோடு செய்யாதீங்க : மால்வேர் மூலம் ஆப்பு வைக்கும் ‘வாட்ஸ்ஆப் கோல்டு’.!!

ஸ்மார்ட்போன்களுக்கு பாதிப்பை விளைவிக்கும் மால்வேர் ஒன்று வாட்ஸ்ஆப் கோல்டு எனும் பெயரை கொண்டு இணையங்களில் வலம் வந்து கொண்டிருக்கின்றது. தற்சமயம் ட்விட்டரில் அதிகம் பகிர்ந்து கொள்ளப்படும் செய்தியும் இது தான்.
குறுந்தகவல் வடிவில் இணையத்தில் வலம் வரும் இந்த மால்வேர் வைரஸ் வாட்ஸ்ஆப் செயலியின் புதிய பதிப்பினை பதிவிறக்கம் செய்ய கோரும். தவறுதலாக இதனினை இன்ஸ்டால் செய்தால் ஸ்மார்ட்போன் கருவியானது குறிப்பிட்ட மால்வேர் மூலம் பாதிக்கப்படுகின்றது.
1
குறுந்தகவல்
அதன் படி குறுந்தகவலில் வாட்ஸ்ஆப் கோல்டு பதிப்பு செயலியை பலவேறு பிரபலங்களும் பயன்படுத்தி வருகின்றனர். இதில் பல்வேறு புதிய அம்சங்கள் வழங்கப்படுகின்றது.
2

அம்சங்கள்
வாட்ஸ்ஆப் கோல்டு செயலியில் வீடியோ காலிங் அம்சம், ஒரே நேரத்தில் 100 புகைப்படங்களை பகிர்ந்து கொள்ளும் வசதி, இலவச அழைப்பு, வாட்ஸ்ஆப் தீம்களை மாற்றி கொள்ளும் வசதி உள்ளிட்டவை வழங்கப்படுவதாக தெரிவிக்கப்படுகின்றது.
3

அழைப்பு
இதோடு வாட்ஸ்ஆப் கோல்டு பதிப்பினை அழைப்பிதழ் இல்லாமல் பதிவிறக்கம் செய்ய முடியாது என்றும் கூறப்படுகின்றது.
4

லின்க்
மேலும் அழைப்பிதழில் வழங்கப்பட்டுள்ள லின்க் www.goldenversion.com என்ற தளத்திற்கு வழி செய்கின்றது, இதனை க்ளிக் செய்தால் பிழை 404 என்ற தகவல் கிடைக்கின்றது. இந்த முறைகேடில் இதுவரை எத்தனை பேர் பாதிக்கப்பட்டுள்ளனர் என்பது குறித்து எவ்வித தகவலும் இல்லை.
5

செயலி
இந்த செயலியானது ஆப்பிள் ஆப் ஸ்டோர் மற்றும் கூகுள் ப்ளே ஸ்டோரிலும் இல்லை என்பதும் குறிப்பிடத்தக்கது.
6

வாட்ஸ்ஆப் ப்ளஸ்
வாட்ஸ்ஆப் ப்ளஸ் செயலி போன்றே இதுவும் போலியானது தான் என்பதோடு இதனால் ஸ்மார்ட்போன்கள் தேவையில்லா மால்வேர் மூலம் பாதிக்கப்படுகின்றது என்பதும் குறிப்பிடத்தக்கது.
7

அறிவிப்பு
வாட்ஸ்ஆப் ப்ளஸ் செயலியானது வாட்ஸ்ஆப் மூலம் உருவாக்கப்படவில்லை என்பதோடு இது அந்நிறுவனத்தால் அங்கீகரிக்கப்படவில்லை என்பதும் குறிப்பிடத்தக்கது.
8

பதிவிறக்கம்
இதோடு வாட்ஸ்ஆப் நிறுவனம் குறுந்தகவல் மூலம் மற்ற செயலிகளை பதிவிறக்கம் செய்ய வாடிக்கையாளர்களுக்கு வலியுறுத்தாது என தெரிவித்துள்ளது.
9

மின்னஞ்சல்
வாடிக்கையாளர்களை தொடர்பு கொள்ள வாட்ஸ்ஆப் நிறுவனம் மின்னஞ்சல் போன்ற சேவையை பயன்படுத்தும் என்றும் தெரிவித்துள்ளது. மேலும் குறுந்தகவல்களில் அனுப்பப்படும் லின்க்’களை க்ளிக் செய்ய வேண்டாம் என்றும் வாட்ஸ்ஆப் நிறுவனம் தெரிவித்துள்ளது குறிப்பிடத்தக்கது.
10

பிரபலம்
வாட்ஸ்ஆப் செயலியானது தற்சமயம் வரை சுமார் 109 நாடுகளில் பயன்படுத்தப்பட்டு வருகின்றது. இது உலகில் சுமார் 55.6% ஆகும். இச்செயலியை சுமார் 100 கோடி பேர் பயன்படுத்தி வருகின்றனர் என்பதோடு இந்தியாவில் மட்டும் சுமார் 7 கோடி பேர் பயன்படுத்தி வருவதாக சமீபத்தில் வெளியான அறிக்கையில் குறிப்பிடப்பட்டுள்ளது.

கேரளாவில், மதங்களை கடந்த மனித நேயம் ஏழை இந்து வாலிபருக்கு சிறுநீரக தானம் செய்த கிறிஸ்தவ பேராயர்

கேரளாவில், ஒரு ஏழை இந்து வாலிபருக்கு கிறிஸ்தவ பேராயர் ஒருவர் சிறுநீரக தானம் செய்தார்.
பேராயர் கேரளாவில், செல்வாக்கு மிகுந்த சிரோ–மலபார் கத்தோலிக்க திருச்சபையில், பலா மறைமாவட்ட பேராயராக பணியாற்றி வருபவர் ஜேக்கப் முரிக்கன்.
52 வயதான இந்த பேராயர், ஒரு ஏழை இந்து வாலிபருக்கு தனது இரண்டு சிறுநீரகங்களில் ஒன்றை தானமாக கொடுத்து, வாலிபரின் உயிரை காப்பாற்றி உள்ளார். மத வேறுபாடுகளை கடந்த மனிதநேய செயலாக இது பார்க்கப்படுகிறது.
ஏழை வாலிபர் அவரிடம் சிறுநீரக தானம் பெற்றவர் பெயர் இ.சூரஜ் (வயது 31). ஆர்ய வைத்திய சாலையில் பணியாற்றி வருகிறார். ஏழ்மையான அவரது குடும்பத்தில், மனைவியும், தாயாரும் உள்ளனர். அவர் மட்டுமே வேலைக்கு சென்று சம்பாதித்து வருகிறார்.
சிறுநீரக கோளாறால் அவதிப்பட்ட சூரஜ்க்கு உதவ பேராயர் ஜேக்கப் முரிக்கன் முன்வந்தார். ரத்த சம்பந்தம் இல்லாதவர்கள் உறுப்பு தானம் செய்வதற்கு கோட்டயம் அரசு மருத்துவ கல்லூரியில் உள்ள ஒரு கமிட்டி ஒப்புதல் அளிக்க வேண்டும். அந்த கமிட்டியும் ஜேக்கப் முரிக்கன் சிறுநீரக தானம் செய்வதற்கு ஒப்புதல் அளித்தது.
கடந்த வாரம் இதுதொடர்பான அனைத்து நடைமுறைகளும் இறுதி செய்யப்பட்டன.
அறுவை சிகிச்சை இந்நிலையில், நேற்று கொச்சியில் உள்ள வி.பி.எஸ்.லேக்ஷோர் ஆஸ்பத்திரியில் வெற்றிகரமாக அறுவை சிகிச்சை நடைபெற்றது. சிறுநீரகவியல் நிபுணர் டாக்டர் ஜார்ஜ் பி.ஆபிரகாம் தலைமையிலான டாக்டர்கள் குழு, பேராயரின் ஒரு சிறுநீரகத்தை எடுத்து சூரஜ்க்கு வெற்றிகரமாக பொருத்தியது.
அறுவை சிகிச்சை வெற்றிகரமாக நடந்ததாகவும், பேராயரும், வாலிபரும் நலமுடன் இருப்பதாகவும் ஆஸ்பத்திரி வட்டாரங்கள் தெரிவித்தன.
பாராட்டு இதற்கிடையே, சிறுநீரக தானம் செய்த பேராயருக்கு பாராட்டுகள் குவிந்து வருகின்றன. பணியில் உள்ள பேராயர் ஒருவர், தனது சிறுநீரகங்களில் ஒன்றை தானமாக அளித்து, ஒரு உயிரை காப்பாற்றியது வரலாற்றில் இதுவே முதல்முறை என்று அருட்தந்தை டேவிஸ் சிராமல் தெரிவித்தார்.

சாம்பியன்ஸ் கோப்பை கிரிக்கெட் போட்டி அட்டவணை: ஒரே பிரிவில் இந்தியா, பாகிஸ்தான்

அடுத்த ஆண்டு நடைபெறும் சாம்பியன்ஸ் கோப்பை கிரிக்கெட் போட்டியில் இந்தியாவும், பாகிஸ்தானும் ஒரே பிரிவில் இடம் பெற்றுள்ளன.
சாம்பியன்ஸ் கோப்பை ‘மினி உலக கோப்பை’ என்று அழைக்கப்படும் சாம்பியன்ஸ் கோப்பை கிரிக்கெட் போட்டி 1998–ம் ஆண்டு முதல் நடத்தப்பட்டு வந்தது. கடைசியாக 2013–ம் ஆண்டு இங்கிலாந்தில் நடந்த போட்டியில் டோனி தலைமையிலான இந்திய அணி சாம்பியன்ஸ் கோப்பையை 2–வது முறையாக வென்று வரலாறு படைத்தது.
‘50 ஓவர் உலக கோப்பை ஏற்கனவே நடத்தப்பட்டு வருவதால் ஒரு வடிவிலான கிரிக்கெட்டுக்கு ஒரு மெகா போட்டி மட்டும் போதும்’ என்று கூறிய சர்வதேச கிரிக்கெட் கவுன்சில் (ஐ.சி.சி.) சாம்பியன்ஸ் கோப்பை போட்டி ரத்து செய்யப்படுவதாகவும், அதற்கு பதிலாக டெஸ்ட் சாம்பியன்ஷிப் அறிமுகம் ஆக இருப்பதாகவும் அறிவித்தது. ஆனால் மறு ஆண்டே டெஸ்ட் சாம்பியன்ஷிப் போட்டியை நடத்த சாத்தியமில்லை என்று கூறிய ஐ.சி.சி. மீண்டும் 2017–ம் ஆண்டு முதல் சாம்பியன்ஸ் கோப்பை போட்டி தொடரும் என்று அறிவித்தது.
இந்தியா, பாகிஸ்தான் இதன்படி 8–வது சாம்பியன்ஸ் கோப்பை கிரிக்கெட் போட்டி அடுத்த ஆண்டு ஜூன் 1–ந்தேதி முதல் 18–ந்தேதி வரை இங்கிலாந்தில் நடைபெறுகிறது. இந்த போட்டிக்கு 2015–ம் ஆண்டு செப்டம்பர் 30–ந்தேதி நிலவரப்படி தரவரிசையில் டாப்–8 இடங்களை பிடித்த அணிகள் மட்டுமே இந்த போட்டிக்கு தகுதி பெற்றுள்ளன. துரதிர்ஷ்டவசமாக முன்னாள் சாம்பியன் வெஸ்ட் இண்டீஸ் தகுதி பெறவில்லை.
இந்த நிலையில் சாம்பியன்ஸ் கோப்பை கிரிக்கெட் போட்டிக்கான அட்டவணையை ஐ.சி.சி. நேற்று வெளியிட்டது. இதன்படி ‘ஏ’ பிரிவில் உலக சாம்பியன் ஆஸ்திரேலியா, நியூசிலாந்து, இங்கிலாந்து, வங்காளதேசம் அணிகளும், பி பிரிவில் இந்தியா, பாகிஸ்தான், இலங்கை, தென்ஆப்பிரிக்க அணிகளும் இடம் பெற்றுள்ளன. அடுத்த ஆண்டு ஜூன் 1–ந்தேதி நடக்கும் தொடக்க ஆட்டத்தில் இங்கிலாந்து அணி வங்காளதேசத்தை எதிர்கொள்கிறது. இந்திய அணி தனது முதல் ஆட்டத்தில் பரம எதிரியான பாகிஸ்தானை ஜூன் 4–ந்தேதி எட்ஜ்பஸ்டனில் சந்திக்கிறது.
ஒவ்வொரு அணிகளும் தங்கள் பிரிவில் மற்ற அணிகளுடன் தலா ஒரு முறை மோத வேண்டும். லீக் முடிவில் இரு பிரிவிலும் முதல் 2 இடங்களை பிடிக்கும் அணிகள் அரைஇறுதிக்கு தகுதி பெறும். மொத்தம் 15 ஆட்டங்கள் நடைபெறுகிறது. இறுதிப்போட்டி லண்டன் ஓவல் மைதானத்தில் ஜூன் 18–ந்தேதி நடைபெறும். மழையால் பாதிக்கப்பட்டால் மறுநாள் (ரிசர்வ் டே) நடத்தப்படும்.
தரவரிசை புள்ளி முக்கியம் போட்டி அட்டவணையை வெளியிட்டு நிருபர்களிடம் பேசிய ஐ.சி.சி. தலைமை நிர்வாகி டேவிட் ரிச்சர்ட்சன் கூறும் போது, ‘ஐ.சி.சி. சாம்பியன்ஸ் கோப்பை குறுகிய காலத்தில் நடத்தப்படும் துல்லியமான ஒரு போட்டித் தொடராகும். ரசிகர்களுக்கும், வீரர்களுக்கும் இந்த போட்டி உற்சாகமாக இருக்கும். இந்த சாம்பியன்ஸ் கோப்பை வெறும் ஒரு நாள் போட்டித் தொடர் மட்டும் அல்ல. இந்த போட்டி முடிந்து அடுத்த 3 மாதங்களில் 2019–ம் ஆண்டு உலக கோப்பை போட்டியில் பங்கேற்பதற்கான தரவரிசை தகுதி காலம் முடிவுக்கு வருகிறது. எனவே சாம்பியன்ஸ் கோப்பை போட்டியின் மூலம் ஒவ்வொரு அணிகளும் பெறும் தரவரிசை புள்ளி மிக முக்கியமானதாக இருக்கும்’ என்றார்.